Nagpahigayon og Morale and Spiritual Upliftment Activity ang mga personnel sa Liloy fire station ubos sa pagpanguna ni Acting Municipal Fire Marshal FINSP Dave C. Dela Cruz niadtong Mayo 11 aron mapalig-on ang ilang pagtuo ug moral isip mga public servant.
Tumong sa maong kalihokan nga hatagan og panahon ang mga bombero sa pag-ampo, pagpamalandong ug pagdasigay aron mapalig-on ang ilang mental, emosyonal ug espiritwal nga kahimtang atol sa pagserbisyo sa komunidad.
Pinaagi sa maong aktibidad, gipahinumdoman ang mga personnel nga ang ilang trabaho isip mga bombero dili lamang responsibilidad kundili usa usab ka tawag sa pag-alagad sa katawhan.
Sumala sa fire station, padayon nilang palig-onon ang panaghiusa, disiplina ug dedikasyon sa serbisyo aron mas epektibong makatabang ug makapanalipod sa publiko panahon sa emerhensya.(JENIFFER JR. DELICA)
Source: BFP R9 Liloy Fire Station