Gipalig-on sa pagbisita ni Brigadier General Felix Ronnie B. Babac, Assistant Division Commander sa 1st Infantry Division, Philippine Army, ang moral ug dedikasyon sa mga tropa sa 97th Infantry Battalion (Kalasag-Lahi) sa ilang headquarters sa Barangay Del Pilar, Piñan Zamboanga del Norte.
Sa maong kalihokan, nakapadayag ang mga sundalo sa ilang pasalamat sa suporta, giya, ug mentorship ni BGen Babac. Giila usab sa heneral ang mga kalampusan sa batalyon sa pagmintinar sa kalinaw, seguridad, ug kalig-on sa komunidad sa Piñan ug sa kasikbit nga lugar.
Sumala sa 97IB, ang presensya sa taas nga opisyal nakahatag og dugang inspirasyon sa mga tropa aron ipadayon ang ilang serbisyo uban ang propesyonalismo ug integridad. Kini nga pagbisita nagpakita sa lig-on nga panaghiusa tali sa liderato ug tropa, samtang gipadayon sa batalyon ang ilang misyon sa pagpanalipod sa katawhan ug pagpasiugda sa kalinaw sa Zamboanga del Norte.(IKEN B. GULLEM)
Source: 97th Infantry “Kalasaglahi” Batallion