Andam nang i-deploy sa Municipal Social Welfare and Development Office (MSWDO) ang mga Social Work interns human sa pagpirma sa Memorandum of Agreement (MOA) tali sa Andres Bonifacio College, Saint Joseph College, Inc., ug sa lokal nga kagamhanan niadtong Hunyo 3.
Gipirmahan ang kasabutan sa mga representante sa duha ka institusyong pang-edukasyon ug sa MSWDO, nga gisaksihan ni Mayor Ismael Rengquijo Jr. isip kabahin sa paningkamot sa paghatag og mas lawom nga kahigayonan sa pagkat-on alang sa mga estudyante sa Social Work.
Pinaagi sa maong programa, makabaton og direktang kasinatian ang mga interns sa pagdumala sa kaso, pakigtrabaho sa mga grupo, ug pag-organisar sa komunidad samtang nagserbisyo sa nagkalain-laing sektor sa katilingban. Gituohan nga makatabang kini sa pagpalambo sa ilang propesyonal nga kahanas ug kahibalo sa social welfare services.
Gipadayag sa MSWDO ang ilang pagpasalig sa paggiya ug pag-mentor sa mga interns aron maseguro ang kalidad sa ilang field instruction. Samtang gihatagan og gibug-aton ni Mayor Rengquijo nga magpabiling prayoridad sa lokal nga kagamhanan ang kaluwasan ug kaayohan sa mga estudyante atol sa ilang internship.(IKEN B. GULLEM)
Source: MSWDO PRES. M.A ROXAS