Gidawat sa Municipality of Rizal, Zamboanga del Norte ang mga kandidata sa Miss Philippines Earth 2026 atol sa ilang pagbisita sa lungsod nga nailhan isip Fruit Basket Municipality.
Gipaabot sa lokal nga panggamhanan ang mainiton nga pag-abiabi sa mga kandidata nga nagdala sa adbokasiya alang sa pagpanalipod sa kalikupan ug pagpalambo sa kahibalo bahin sa mga isyung pangkalikasan.
Gilauman nga masinati sa mga kandidata ang mga natural nga atraksyon, dato nga kultura ug pagkamaabiabihon sa mga Rizalianon atol sa ilang pagpabilin sa lungsod.
Sumala sa lokal nga panggamhanan, ang pagbisita sa mga kandidata usa ka higayon sa pagpasundayag sa katahum sa Rizal ug sa kahinungdanon sa pag-amuma sa kinaiyahan ug komunidad.(JENIFFER JR. DELICA)
Source: Municipality of Rizal