Gidala sa Piñan District Hospital ang usa ka lalaki nga giingong naka-inom og alkohol human kini magreklamo og pagkalipong ug kalisod sa pagginhawa sa Manuel Resort, Barangay Poblacion South, Piñan, Zamboanga del Norte niadtong Hunyo 20.
Mitubag dayon sa emerhensiya ang mga personnel sa Bureau of Fire Protection sa Piñan ubos sa pagpanguna ni SFO3 Elmar M. Pagente aron hatagan og medikal nga tabang ang pasyente.
Pag-abot sa lugar, gisiguro una sa Shift A EMS personnel ang kaluwasan sa palibot ug gisunod ang mga protocol sa emerhensiyang medikal. Nakaplagan nila nga adunay panimuot ang pasyente ug naghigda sa salog samtang nagreklamo og pagkalipong ug kalisod sa pagginhawa.
Gibutang sa spine board ang pasyente ug gibalhin ngadto sa ambulansya diin gihatagan kini og oxygen pinaagi sa nasal cannula sa tulo ka litro matag minuto. Human niini, gidala siya sa Piñan District Hospital ug gitugyan sa mga personnel sa Emergency Room alang sa dugang pagtambal.(JENIFFER JR. DELICA)
Source: BFP R9 Piñan Fire Station