Nagpakita og suporta ug naghatag inspirasyon ang Katipunan Municipal Police Station (MPS) sa mga graduating criminology students sa JRMSU-Katipunan Campus atol sa Culmination Program sa SANDIGAN Class of 2026.
Si PMSg Adrian S. Alinsangan, ubos sa pagpangulo ni PMAJ Evelyn F. Porras, Acting Chief of Police, maoy nangulo sa delegasyon sa Katipunan MPS nga mitambong isip resource speaker sa maong kalihokan. Kauban usab ang mga representante sa Philippine Coast Guard ug PNP-Highway Patrol Group.
Atol sa programa, gipaambit sa Katipunan MPS ang ilang mga kasinatian ug kahibalo sa pagpatuman sa balaod, pagserbisyo sa komunidad, ug ang mga hagit nga giatubang sa propesyon aron maandam ang mga estudyante sa ilang umaabot nga tahas isip mga law enforcers.
Sumala sa Katipunan MPS, ang maong inisyatiba kabahin sa ilang padayon nga paningkamot sa pagpalig-on sa panagtambayayong tali sa kapulisan ug mga institusyong pang-edukasyon sa paghulma og mga responsable, disiplinado ug adunay integridad nga mga umaabot nga miyembro sa law enforcement.(IKEN B. GULLEM)
Source: Katipunan Municipal Police Station ZNPPO