Nagpahigayon og HIV awareness ug prevention advocacy ang LGBTQI+ Community sa lungsod sa Rizal isip kabahin sa pagsaulog sa Pride Month aron mapalapdan ang kahibalo sa publiko ug mapakunhod ang stigma ug diskriminasyon batok sa mga tawo nga apektado sa HIV.
Atol sa kalihokan, gipasabot sa mga tigpasiugda ang kahinungdanon sa HIV prevention, sayong HIV testing, tukmang pagtambal ug suporta sa komunidad aron mapalig-on ang panglawas ug kaluwasan sa matag residente. Gidasig usab ang mga partisipante nga mahimong mga tigpasiugda sa awareness, pagdawat ug respeto sa matag indibidwal.
Gitambongan ang maong kalihokan ni Rizal Mayor Marissa D. Manigsaca nga mipakita sa suporta sa lokal nga panggamhanan sa mga programa nga nagpalambo sa kahimsog, pagkaparehas, inclusivity ug pagrespeto sa tawhanong dignidad.
Nahimong posible ang advocacy pinaagi sa panagtinabangay sa Municipal Health Office ubos sa pagpangulo ni Dr. Yazmir Alrad Atong, sa LGBTQI+ community ug uban pang mga stakeholders nga padayon nga nagpalig-on sa kampanya alang sa public health ug usa ka mas inklusibong komunidad.(JENIFFER JR. DELICA)
Source: Municipality of Rizal