Gihatagan og school supplies sa SK Sicayab-Bucana ang mga estudyanteng sayong miabot sa eskwelahan sa unang adlaw sa klase isip paagi sa pag-abiba ug pagdasig kanila sa pagsugod sa School Year 2026.
Lakip sa gipanghatag ang mga notebook, lapis ug uban pang gamit sa pag-eskwela aron makatabang sa mga kabataan sa ilang pagtuon ug makahatag og dugang kadasig sa ilang pagbalik sa classroom.
Gipakita sa mga estudyante ang kalipay sa pagdawat sa mga maong gamit, nga nahimong simbolo sa suporta sa kabatan-onan alang sa edukasyon ug sa padayong pagkat-on sa mga kabataan sa barangay.
Sumala sa SK Sicayab-Bucana, ang yano nga inisyatiba nagtumong sa pagdasig sa mga estudyante nga magpadayon sa pag-eskwela, pagkat-on ug pagtinguha sa ilang mga pangandoy samtang nagsugod ang bag-ong tuig pang-eskwela.(JENIFFER JR. DELICA)
Source: Sangguniang Kabataan og Sicayab Bucana