Miduyog sa pag obserbar sa Adoption and Alternative Child Care Weeek (AACCW) ang kagamhanan ning dakbayan sa Dipolog pinaagi sa City Social Welfare and Development Office ug Family Welfare Unit atol sa flag raising ceremony nga gipahigayon didto sa OSCA Covered, Isabel, dakbayan sa Dipolog niadtong Hunyo 9,2026.
Ang maong kalihokan subay sa Republic Act No. 11642 o mas nailhan nga “Domestic Administrative Adoption and Alternative Child Care Act”.
Ang kawani gikan sa National Authority for Child Care (NACC) pinaagi sa Regional Alternative Child Care Office IX (RACCO IX), usa ka attached agency sa Department of Social Welfare and Development Office (DSWD) midapadangat sa ilang imbitasyon alang sa nagkadaiyang ahensya ug buhatan sa selebrasyon sa temang “Love Makes a Family” ning tuiga.
Usa ka klase sa pagpakabana sa kagamhanan dinhi sa Dipolog pinaagi ni Mayor Berto Uy nga isulong ug ipasiugda ang Child and Family Welfare dinhi sa dakbayan nga presentar sa kinatibuk-ang panglantaw sa selebrasyon karong tuiga pinaagi ni Ms. Anna Marie Ello, Family Welfare Program Focal.
Usa ka pagpasiugda alang sa malungtarong gugma, kalooy ug pasalig sa pagtukod og luwas, pag-amuma ug permanenteng palibot sa pamilya alang sa mga bata nga nanginahanglan og pag-atiman ug proteksyon.
Tumong nga mapalig-on ang kahibalo sa publiko pinaagi sa suporta alang sa legal nga pagsagop ug alternatibong mga programa sa pag-atiman sa bata nga nagpasiugda sa katungod sa matag bata nga motubo sulod sa usa ka mahigugmaong panimalay.
Sa samang higayon,nasayran nga karong umaabot nga Hunyo 24, 2026, adunay ipahigayon nga Pre-Adoption Forum ug Foster Care Orientation ang mga kawani sa RACCO IX alang sa mga adoptive couple nga mga aplikante, foster parents, BCPC, WCPD ug Health Personnel nga ipahigayon sa Top Pensionne ning dakbayan.(MEDALYN U. BORJA)
Source: Dipolog City Social Welfare and Development