Giturn-over sa Siayan Municipal Fire Station ang mga fire extinguisher ngadto sa 22 ka barangay sa lungsod sa Siayan aron mapalig-on ang kahandam batok sa sunog ug uban pang emerhensya.
Gipangulohan ni SFO2 Elmer C. Alabata, Acting Municipal Fire Marshal, ang maong kalihokan nga gitambongan usab ni FSUPT Richard C. Timosa, Provincial Director. Nahimo ang programa pinaagi sa suporta ni Mayor Alberto “Ali” J. Bongcawel ug sa Municipal Disaster Risk Reduction and Management Office o MDRRMO.
Dawat sa mga Barangay Captain ang mga fire extinguisher ug mipadayag sa ilang pagpasalamat sa maong inisyatiba nga makatabang sa pagpalig-on sa kahandam sa ilang mga komunidad batok sa posibleng insidente sa sunog.
Gilauman sa Bureau of Fire Protection, Local Government Unit sa Siayan ug mga kaabag nga ahensya nga pinaagi sa padayon nga panagtambayayong, mas mapalig-on pa ang fire prevention, disaster resilience ug kaluwasan sa mga residente sa tibuok lungsod.(JENIFFER JR. DELICA)
Source: BFP R9 Siayan Fire Station