Gipahigayon sa Siocon District Jail ang batakang health education alang sa mga napiling Persons Deprived of Liberty aron mapalambo ang ilang kahibalo sa pagmonitor sa vital signs, pagresponde sa choking, ug cardiopulmonary resuscitation o CPR.
Gipasiugdahan ang maong kalihokan ubos sa liderato ni Jail Chief Inspector Achmed Aziz A. Pia, Jail Warden, samtang gipasiugdahan ni Jail Officer 1 Ryanfel T. Recto, Jail Nurse, ang mga leksyon ug praktikal nga pagtulon-an bahin sa batakang first aid ug emerhensiyang pagresponde.
Tumong sa maong pagbansay ang pag-andam sa mga partisipante sa hustong pag-atubang sa mga emerhensiyang medikal sulod sa pasilidad, samtang gipalig-on usab ang kahibalo sa pag-atiman sa panglawas isip kabahin sa rehabilitasyon ug wellness program sa Siocon District Jail.
Gilauman nga pinaagi sa maong inisyatiba, mas mahimong andam ang mga Persons Deprived of Liberty sa paghatag og inisyal nga tabang panahon sa emerhensiya ug mapalambo ang kahimtang sa panglawas sulod sa pasilidad.(JENIFFER JR. DELICA)
Source: Siocon District Jail- BJMPR9