Gipalig-on sa Siocon District Jail ang ilang rehabilitasyon nga programa pinaagi sa usa ka edukasyonal nga sesyon nga nagtutok sa daotang epekto sa ilegal nga droga sa utok ug lawas sa mga Persons Deprived of Liberty o PDL.
Atol sa maong kalihokan ilawom sa Katatagan, Kalusugan ug Damayan sa Komunidad o KKDK Program, gipasabtan sa mga partisipante ang epekto sa droga sa pisikal ug mental nga panglawas, pamatasan, ug kinatibuk-ang kalidad sa kinabuhi.
Gidasig usab ang mga PDL nga makigbahin sa diskusyon ug magpalambo sa kahibalo bahin sa kahinungdanon sa pagpuyo nga layo sa ilegal nga droga ug sa paghimo og husto nga mga desisyon alang sa ilang kaugmaon.
Sumala sa Siocon District Jail, kabahin kini sa ilang padayong paningkamot sa pag-andam sa mga PDL alang sa responsable ug produktibong pagbalik sa komunidad pinaagi sa positibong kausaban ug rehabilitasyon.(JENIFFER JR. DELICA)
Source: Siocon District Jail- BJMPR9