Nagpagawas og pasidaan ang kapulisan ngadto sa publiko mahitungod sa nagpadayon nga hulga sa mga snatching incident ilabina sa mga lugar nga daghang tawo sama sa mga karsada, terminal, ug merkado.
Gihangyo sa kapulisan ang tanan nga magmatngon aron malikayan nga mahimong biktima sa mga kawatan.
Sumala sa kapulisan, importante nga ibutang sa atubangan sa lawas ang mga bag aron dali kini mabantayan.
Gidasig usab ang publiko nga likayan ang sobra nga paggamit sa cellphone samtang naglakaw tungod kay kasagarang target kini sa mga snatcher.
Gipahimangnoan usab ang mga moagi nga dili maglakaw duol kaayo sa daplin sa dalan aron malikayan ang kalit nga pagdasmag sa mga kawatan nga kasagarang nagsakay og motorsiklo o nagdagan human sa pagpangilog.
Samtang nagpadayon ang kampanya batok sa kriminalidad, gihangyo sa Philippine National Police ang publiko nga dayong ireport sa labing duol nga estasyon sa pulis o pinaagi sa 911 ang bisan unsang insidente sa pagpangilog aron masayong maaksyunan ug madakpan ang mga responsable.
I via Renante Socia Lada