Gipadayon sa Salug District Jail ang Alternative Learning System o ALS classes alang sa mga Persons Deprived of Liberty nga sakop sa Basic Literacy Program ug elementary level aron mapalambo ang ilang pagbasa, pagsulat ug uban pang batakang kahanas.
Gipahigayon ang maong klase ubos sa pagpanguna ni Jail Chief Inspector Arnan L. Matangal, Jail Warden, isip kabahin sa programa sa Bureau of Jail Management and Penology nga nagtumong sa paghatag og kahigayonan sa edukasyon sulod sa pasilidad.
Pinaagi sa mga leksyon, gipalig-on ang batakang kahibalo ug life skills sa mga Persons Deprived of Liberty aron maandam sila sa mas maayong kinabuhi ug mas sayon nga pagbalik sa komunidad human sa ilang pagpabilin sa bilanggoan.
Padayon ang Salug District Jail sa pagpatuman sa mga programa nga nagpalambo sa edukasyon ug rehabilitasyon isip kabahin sa pag-andam sa mga Persons Deprived of Liberty alang sa ilang bag-ong pagsugod.(JENIFFER JR. DELICA)
Source: Salug District Jail- BJMPR9