Bugnaw nga prisohan ang gipadulngan karon sa usa ka dorugista homan kini masikop ug makumpiskahan sa kapulisan ug mobalor sa P68,000 nga kantidad sa ilegal na drugas,atol sa gikasa nga joint drug buy-bust operation mga alas 7:36 sa gabii, niadtong Hulyo 30, 2026, didto sa Purok Kapitbahay, Barangay Miputak,Dipolog City.
Ang maong dinakpan nga drug suspek naila nga si alyas “Quiter” 33 anyos, lalaki, ulitawo, walay trabaho, usa ka Street Level Individual (SLI) ug residente sa Barangay Miputak, Dipolog, kinsa gidakop pinaagi sa mga personahe sa RDEU9 isip lead unit uban sa mga personahe gikan sa Dipolog City Police Station ug sa koordinasyon sa PDEA 9.
Atol sa operasyon nakuha gikan sa dinakpan ang mga pinakete sa gituohang shabu nga mutimbang sa gibana-bana nga 10 ka gramo nga adunay standard drug price nga P68,000,uban sa mga butang nga dili.
Ang mga nakumpiska nga butang sa gituohang shabu ipadala ngadto sa Zamboanga del Norte Provincial Forensic Unit alang sa qualitative ug quantitative nga eksaminasyon.
Samtang ang dinakpan nga suspek dad-on usab sa Corazon Aquino Medical Hospital alang sa medikal nga eksaminasyon ug temporaryong ibilanggo sa Dipolog CPS samtang giandam ang kaso alang sa paglapas sa Sections 5 ug 11 sa RA 9165, sa dili pa ipasaka ang tukmang mga kaso ngadto sa korte.(MEDALYN U. BORJA)
Source: COP, DIPOLOG CPS