Cebu City – Giubanan sa medical team ang mga pasyente alang sa ilang medical check-up nga gipahigayon sa visiting specialist nga si Dr. Jonathan Navarro. Ang kalihokan gihimo isip kabahin sa padayon nga misyon sa paghatod og mas duol ug kalidad nga serbisyong medikal.
Gipangulohan ni Head of the Medical Team Herdina Gallegos ang koordinasyon sa pag-accompany sa mga pasyente, kauban ang medical staff, aron masiguro ang hapsay nga proseso sa konsultasyon ug pag-atiman.
Sumala sa team, ang maong inisyatiba nagpakita sa lig-on nga panagtinabangay aron mapadayon ang pagdala sa healthcare services ngadto sa mga nagkinahanglan.
Nagpabilin ang medical team sa ilang tumong nga mapalapdan ang access sa kalidad nga healthcare pinaagi sa organisado ug koordinadong pagserbisyo sa mga pasyente.(JENIFFER JR. DELICA)
Source: Zamboanga del Norte Medical Team