Salug – Malampusong gipahigayon sa Commission on Elections (COMELEC) Office of the Election Officer sa Salug ang Satellite Registration of Voters sa Barangay Dinuan Covered Court, Zamboanga del Norte.
Tumong sa inisyatiba nga mas mapaduol sa komunidad ang voter registration aron mas sayon ug mas accessible sa matag kwalipikadong lungsoranon ang pagparehistro. Pinaagi niini, gilauman nga modaghan ang rehistradong botante sa maong barangay.
Gidasig sa election office ang publiko nga magparehistro ug aktibong moapil sa demokratikong proseso pinaagi sa pagboto sa umaabot nga eleksyon.
Ang maong kalihokan kabahin sa padayon nga kampanya sa COMELEC sa pagpalig-on sa partisipasyon sa katawhan sa demokrasya.(JENIFFER JR. DELICA)
Source: Municipality of Salug