Mihimo og courtesy call ang mga opisyal sa Integrated Bar of the Philippines (IBP) – Zamboanga del Norte Chapter ngadto kang City Mayor Roberto Y. Uy kaniadtong Agosto 4, 2025, didto sa Mayor’s office ning syudad sa Dipolog.
Gipangulohan ni Atty. Karl Rigo Andrino, Presidente sa IBP Zamboanga del Norte Chapter, kauban ang ubang opisyales sa kapunungan.
Tumong sa ilang pagbisita ang pagpalig-on sa panag-uban tali sa lokal nga panggamhanan ug sa legal nga sektor aron mas mapaabot sa katawhan ang serbisyo legal, mapalig-on ang hustisya, ug mapadayon ang pagpanalipod sa rule of law sa syudad.
Gipasalamatan ni Mayor Uy ang ilang pagbisita ug mipadayag sa iyang suporta sa mga inisyatibo sa IBP nga tumong sa pagpalapad sa access to justice, ilabina sa mga marginalized nga sektor sa komunidad.
Ang maong panagtagbo nagsilbing pundasyon sa mas lig-on nga kooperasyon tali sa gobyerno ug sa mga abogado alang sa mas matinud-anong serbisyo publiko.(Jumalisa Papa)
Source: Dipolog City Government