Nasikop sa gipahigayon nga buy-bust operation sa mga personahe sa Sindangan MPS ang usa ka lalaki nga tigpayuhot sa ginadili nga drugas,didto sa Brgy. Mandih, Sindangan, Zamboanga del Norte , niadtong Agusto 2,2025
Ang suspek naila nga usa ka lalaki kinsa nasakmitan ug kapin o kulang 6 gramos nga shabu nga adunay gibanabanang kantidad nga Php 40,800.00.
Balhog na karon ang suspek sa Sindangan Mps ug mag atubang sa kasong paglapas sa RA 9165 kon Comprehensive Dangerous Drugs Act of 2002.
Matod kapulisan nga kini nga malampuson nga operasyon nagpasiugda sa walay puas nga dedikasyon sa mga personahe sa pagwagtang sa Kriminalidad ug sa pagpanalipod sa mga komunidad.(Medalyn U. Borja)
Source: Sindangan MPS