Mipahigayon og courtesy visit ang mga opisyal sa Boy Scouts of the Philippines – Zamboanga del Norte Dipolog Dapitan (ZANDIDAP) Chapter ngadto kang City Mayor Roberto Y. Uy didto sa Mayor’s Office ning siyudad sa Dipolog, Agosto 4, 2025.
Gipangulohan ang delegasyon sa ZANDIDAP nila Council Scout Executive Mr. Roy G. Garbonera, Council Auditor Mr. Roberto P. Reyes, 2nd Council Vice Chairman Mr. Sergio G. Lirasan, ug Field Scout Executive Mr. Marlon G. Bataluna.
Tumong sa ilang pagbisita ang pagpalig-on sa ilang kooperasyon sa lokal nga panggamhanan, ilabina sa mga programa nga nagapalambo sa pagpanguna, disiplina, ug aktibong partisipasyon sa kabatan-onan pinaagi sa scouting.
Gihisgutan usab atol sa ilang panagtagbo ang umaabot nga implementasyon sa Scouting Program Simple sa siyudad sa Dipolog, nga gilauman nga maghatag og dugang oportunidad sa mga kabatan-onan aron mahasa sa liderato ug civic responsibility.
Ang ilang panag-alyansa nagpakita sa padayon nga suporta tali sa Boy Scouts of the Philippines ug sa lokal nga liderato alang sa kalamboan sa kabatan-onan ug sa mas lapad nga katilingban.(Jumalisa Papa)
Source: Dipolog City Government