Mipahigayon og Courtesy Visit ang mga opisyal gikan sa Department of Education (DepEd) Dipolog City Schools Division, ngadto sa buhatan ni Mayor Roberto Y. Uy, nga nasangpit nga mga opisyal gipangunahan ni City Schools Division Superintendent Dr. Ma. Liza Tabilon, kagahapong adlawa, Hulyo 21, 2025.
Lakip sa miduyog sa nahisgutang Courtesy Visit, ang Assistant Schools Division Superintendent dinhi sa dakbayan, pinaagi ni Mr. Rosalio B. Conturno Jr., maingon man ang School Governance and Operations Division Chief Mr. Nur N. Hussien, kauban ang uban pang mga key personnel, diin ang tumong sa maong pagbisita, aron ilang personal nga ipahayag ngadto kang Mayor Roberto Y. Uy,sa ilang dakong suporta sa para sa local cleanup drive campaigns.
Dugang pa nga pahayag sa nasangpit nga mga opisyal sa DepEd, ang ilang lig-on nga kolaborasyon, tali sa City Government sa Dipolo, lakip niini ang kabahin sa integration of environmental awareness into the educational system, ug ang paghatag og dakong importansiya sa pagtugyan sa mga magtutungha sa mga hiyas sa responsibilidad sa komunidad.
Maingon man, ang mao nilang panag-atubang, nagpasiugda sa padayon nga pasalig sa DepEd sa pag-amuma sa kalikupan ug sa pagpakighiusa niini sa mga tumong, alang sa sustainable development sa ning syudad sa Dipolog.(Julius Esmade)
Source: DIPOLOG CITY GOVERNMENT