Mipasalig ang Mayor sa Lungsod sa KatIpunan, pinaagi ni Mayor Jose Michael MaiKo A. Wong, nga iyang aksyonan ang Mulo sa Katawhan, kabahin sa Tabog sa Putyokan, partikular sa Purok 5, sa Barangay Sanao sa nasangpit nga Lungsod ning Probinsiya sa Zamboanga Del Norte, atol sa gibuhat nga pagbisita sa personahe sa RPN-DXKD Radyo Ronda Dipolog sa iyang buhatan, kagahapong adlawa Hulyo 21, 2025.
Personal nga gibisitahan sa personahe sa RPN-DXKD Radyo Ronda Dipolog, pinaagi ni Julius E.Esmade nga maoy Anchorman sa Programa nga “MULO SA KATAWHAN” ang buhatan ni Mayor Wong, tungod sa Mulo sa pipila ka Residente sa Barangay Sanao sa nahisgutang Lungsod, nga gipadangat sa nasangpit nga Programa, aron ipadangat ngadto sa Mayor ang naasoy nga Problemang dugay ng nakahasol sa mga katawhan sa maong lugar, nga matud pa, mokapin na sa unom ka bulan nga ilang gi-antos, nga magpalong og suga sa ilang paninalay, sa panahon sa gabie, tungod kay dogukon man kini sa mga ensikto nga mga Punyokan.
Tuod man sama sa gilauman nga maoy mahimong aksyon sa nasangpit nga Mayor, mipasalig kini, nga iyang ipasubay sa iyang staff ang maong lugar, aron masayran kon unsa ang angay’ng buhaton, aron masulbad na ang mga kahasol nga nasinatian sa mga katawhan sa Purok-5 sa Barangay Sanao sa mao nilang Lungsod, tungod og alang sa kahapsay sa pamuyo nga ilang gitinguha.(Julius Esmade)