Nakadawat og mga gamit sa pagpangisda ang Loay Fisherfolks Association gikan sa Local Government Unit sa Gutalac pinaagi sa Municipal Agriculture Office ug sa pakigtambayayong sa Bureau of Fisheries and Aquatic Resources aron mapalig-on ang panginabuhian sa mga mangingisda.
Kabahin ang maong pag-apod-apod sa paningkamot sa lokal nga panggamhanan ubos sa liderato ni Mayor Eddie Justin T. Quimbo sa pagpalambo sa malungtarong panginabuhian sa mga komunidad nga nagsalig sa pagpangisda.
Gilauman nga makatabang ang maong mga kagamitan sa pagpausbaw sa pangisda ug kita sa mga benepisyaryo, samtang gipalig-on usab ang suporta sa gobyerno sa sektor sa pangisdaan.
Sumala sa LGU Gutalac, padayon kini sa pagtinabangay sa mga partner agencies aron mapalambo ang panginabuhian ug kalidad sa kinabuhi sa mga Gutalacnon, ilabina sa mga mananagat.(JENIFFER JR. DELICA)
Source: LGU Gutalac- Public Information