Gilunsad sa Rizal Central School ang Division Kick-Off sa School-Based Feeding Program o SBFP nga nagtumong sa pagpakunhod sa malnutrisyon ug pagpalambo sa panglawas sa mga estudyante pinaagi sa husto nga nutrisyon.
Mitambong si Mayor Marissa Manigsaca sa maong kalihokan diin iyang gipasiugda ang kamahinungdanon sa panaghiusa sa lokal nga panggamhanan, Department of Education ug uban pang mga kaabag aron maseguro ang maayong panglawas ug mas hayag nga kaugmaon sa mga kabataan.
Gipasabot usab nga ang School-Based Feeding Program usa ka importante nga inisyatiba aron matabangan ang mga estudyanteng kulang sa nutrisyon ug mapauswag ang ilang kahimtang sa pagkat-on sulod sa eskwelahan.
Padayon nga gipahayag sa Local Government Unit sa Rizal ang suporta niini sa mga programa nga nagpalambo sa edukasyon, panglawas ug kinatibuk-ang kaayohan sa matag batang Rizalian.(JENIFFER JR. DELICA)
Source: Municipality of Rizal