Gitabangan sa R-PSB Team sa ZN 2nd PMFC ang mga miyembro sa Cocob ALSA MASA Farmers’ Association sa pag-abli og Land Bank of the Philippines o LBP accounts niadtong Mayo 25, 2026 sa Barangay Cocob, Gutalac, Zamboanga del Norte.
Gipahigayon ang kalihokan isip kabahin sa ika-21 ka adlaw sa 32-Day Organic Agriculture Production NC II Training ubos sa pagpangulo ni PLTCOL Edwin D. Verzon.
Gituyo sa pag-abli sa bank accounts nga mahimong opisyal nga agianan sa pag-release sa training allowances sa mga partisipante aron masiguro ang episyente, luwas, ug transparent nga paghatag sa pinansyal nga ayuda.
Gipasiugda usab sa ZN 2nd PMFC nga ang maong inisyatibo kabahin sa ilang padayong suporta sa community development, livelihood enhancement, ug sustainable agriculture pinaagi sa skills training ug capacity-building programs alang sa mga mag-uuma.(JENIFFER JR. DELICA)
Source: PNP Zamboanga del Norte 2nd PMFC