Mihamtong sa pagpanunggab sa asawa ngadto sa iyang bana ang init nga panaglalis nga nahitabo mga alas 10:30 sa gabii niadtong Mayo 24, 2026, didto sa Barangay Mate, Manukan, Zamboanga del Norte.
Naila ang suspek nga babaye nga usa ka 67 anyos kinsa miunay ug dunggab sa iyang bana nga 35 anyos nga trabahante ug residente sa sa samang lugar.
Sa inisyal nga imbestigasyon, nagbutyag nga ang biktima nagtan-aw og telebisyon sulod sa ilang balay sa dihang ang iyang 67 anyos nga kapuyo, usa ka babaye nga residente sa samang barangay, giingong gihangyo siya nga patyon ang telebisyon tungod kay dili na siya makatulog tungod sa kasaba.
Apan, ang biktima giingong nagpadayon sa pagtan-aw og telebisyon nga sa katapusan misangpot sa ilang mainit nga panaglalis .
Pagkahuman, ang suspek giingong mikuha og kutsilyo sa kusina ug gidunggab ang biktima kaduha, nga naigo sa tuo nga bahin sa iyang tiyan ug likod.
Ang biktima gidala dayon sa Triffon Saile Memorial Hospital sa Barangay Poblacion, Manukan, Zamboanga del Norte alang sa dinaliang pagtambal.
Basi sa gitaho mga alas 2:40 sa kaadlawon niadtong Mayo 25, 2026, ang mga personahe sa Triffon Saile Memorial Hospital pinaagi sa hotline number sa Manukan Municipal Police Station (MPS).
Subay sa report, ang mga mirespondeng operating unit sa Manukan MPS dali nga miadto sa ospital alang sa beripikasyon ug imbestigasyon.
Nasayran sa imbestigasyon nagbutyag nga ang posibleng motibo sa insidente mao ang dili pagsinabtanay tali sa biktima ug suspek.
Ang dinakpan nga suspek gidakop dayon sa ospital ug temporaryong gibalhog sa Manukan MPS samtang giandam ang hustong desisyon ug pagpasaka sa tukmang kaso.(MEDALYN U. BORJA)