Gipahigayon sa Probinsyal nga Pangagamhanan sa Zamboanga del Norte ang 2nd Quarter Gender and Development Focal Point System o GFPS Meeting niadtong Mayo 26, 2026 sa Provincial Capitol sa Dipolog City aron mapalig-on pa ang gender-responsive governance sa probinsya.
Gipangulohan ni Acting Provincial Social Welfare and Development Officer Hannah Lou G. Mandantes ang maong tigom diin mitambong usab ang mga department heads ug mga representante gikan sa nagkalain-laing buhatan sa gobyerno probinsyal.
Lakip sa mga gihisgutan atol sa meeting ang Harmonized Gender and Development Guidelines o HGDG, pag-finalize sa Gender and Development Plan and Budget alang sa Fiscal Year 2027, ug uban pang mga programa nga nagtumong sa patas ug episyenteng serbisyo publiko.
Gipasiugda usab sa provincial government ubos ni Governor Darel Dexter T. Uy ang kahinungdanon sa gender analysis aron mas masabtan ug matubag ang nagkalain-laing panginahanglan sa kababayen-an, kalalakin-an, kabatan-onan, senior citizens, ug uban pang vulnerable sectors sa katilingban.(JENIFFER JR. DELICA)
Source: Zamboanga del Norte Provincial News Network