Mitambong sa gipahigayon nga Inter-Agency Coordination meeting ang mga kawani sa Department of Education Schools Division Office sa Dipolog City, pinaagi sa Division DRRMS, niadtong Agosto 25, 2026, alang sa umaabot nga Active Active Shooter Simulation Exercise on School Emergency Response and Police Intervention nga ipahigayon atol sa paglusad sa National Crime Prevention Week karong Septyembre 2,2026 sa Dipolog City National High School.
Ang maong kalihokan paga pasiugdahan sa NAPOLCOM Region IX ug PNP Dipolog City Police Station, uban ang suporta ug kolaborasyon sa Zamboanga del Norte Police Provincial Office (ZNPPO), BFP Dipolog City, Dipolog City CDRRMO, Barangay Barra BLGU, administrasyon sa DCNS, ug DepED Dipolog City Division DRRMS.
Tumong niini nga aktibidad mao ang pagpalig-on sa koordinasyon tali sa mga ahensya, pagpauswag sa katakos sa pagtubag sa emerhensya sa eskwelahan, ug pagpalig-on sa angay nga interbensyon sa kapulisan ug mga protokol sa seguridad sa eskwelahan atol sa mga kritikal nga insidente.
Diin kini maghatag og higayon aron masulayan ug mapauswa ang mga pamaagi sa komunikasyon panahon sa emerhensya, mga protokol sa pagbakwit ug pagpabilin sa luwas nga lugar sulod sa tunghaan, ug ang kinatibuk-ang kaandam sa mga kawani sa eskwelahan ug mga estudyante.
Ang lig-on nga panag-uban sa sektor sa edukasyon, tigpatuman sa balaod, mga ahensya sa pagtubag sa emerhensya, ug lokal nga gobyerno, padayon natong gipalig-on ang mas luwas, mas andam, ug lig-on nga palibot sa pagkat-on alang sa matag estudyante ug komunidad sa tunghaan.(MEDALYN U. BORJA)