Ang Cebu-based Omega Pain Killer–PADS Adaptive Dragon Boat Racing Team moapil isip representante sa Pilipinas sa 15th International Dragon Boat Federation (IDBF) Club Crew World Championships sa Hualien, Taiwan.
Makigsangka ang PADS sa Paradragon Division PD1 ug PD2 sa Liyu Lake gikan Agosto 29 hangtod Setyembre 7. Apil sa ilang mga lumba ang 200-meter, 500-meter ug 2,000-meter events.
Matud ni team captain Owen Loceno, ilang tumong nga ipakita sa international stage ang abilidad sa mga Filipino adaptive athletes ug mapakita ang potensyal sa mga atleta nga adunay disability.
Kini usab ang pagbalik sa PADS sa IDBF Club Crew World Championships human sa duha ka tuig nga pagkawala. Aduna na silay dagkong kadaugan sa international competitions, lakip ang championship titles sa Florida niadtong 2022 ug Thailand niadtong 2023.
Ang team mobiya gikan Cebu karong adlawa Agosto 27 padulong sa Taiwan aron makigkompetensya ug magdala sa garbo sa Pilipinas sa maong international championship.
I via Renante Socia Lada