Mitambong sa gipahigayon nga panagtigom ang mga kawani sa Bureau of Fire Protection – Mutia Municipal Fire Station, ubos sa pagdumala ni SFO2 Lemuel R Descallar, isip pagpangandam alang sa umaabot nga Araw ng Mutia uban sa mga personahe sa LGU didto sa Mutia Gymnasium, Mutia, Zamboanga del Norte, niadtong Hulyo 2,2026.
Tumong sa maong panagtigom mao ang mapaamgo ang publiko sa umaabot nga kalihokan alang sa luwas nga pamaagi sa pagpugong sa sunog, pag-edukar sa mga residente sa pagpangandam sa emerhensya, ug pag-awhag sa aktibo nga partisipasyon sa komunidad.
Usa ka paagi aron sa ingon niini makunhoran ang mga risgo nga may kalabutan sa sunog lakip usab ang mga batakang lakang sa kaluwasan sa sunog, kasagarang mga hinungdan sa mga insidente sa sunog, ug ang kamahinungdanon sa pagbantay sa pagpanalipod sa mga kinabuhi ug kabtangan.
Ang BFP Mutia ,nagpabilin nga komitado sa pagtukod og usa ka komunidad nga luwas sa sunog ug makasugakod sa katalagman,pinaagi sa padayon nga mga kampanya sa impormasyon ug edukasyon sa komunidad.(MEDALYN U. BORJA)
Source: Mutia Mfs