Usa ka coordination meeting ang gipahigayon sa mga personahe sa 905th Maneuver Company, RMFB 9, ubos sa pagpanguna ni PCPT ALNASHRIP A AROLA (Officer-in-Charge), kauban ni 2LT JEMUEL S GALLIEN IB, Philippine Army alang sa palig-on sa kooperasyon sa nagkalain-laing ahensya sa pagmintinar sa kalinaw ug kahusay sa Munisipyo sa Sirawai sa Zamboanga del Norte niadtong Hulyo 2,2026.
Ang maong panagtigom nagtutok sa mga hilisgotanan kabahin sa pagpauswag sa mga lakang sa seguridad, pagpalambo sa pagpaambit sa impormasyon ug intelligence, pagpalig-on sa pagpatuman sa balaod, pagtubag sa mga bag-ong isyu sa kalinaw ug kahusay.
Tumong nga pinaagi sa hiniusang inisiyatibo mapakita ang kalig-on nga pasalig sa PNP ug Philippine Army nga makigtambayayong sa mga lokal nga hingtungdan alang sa pagpanalipod sa kaayohan.
Pinaagi niini ang matag residente sa Sirawai malakip sa panaghiusa, kooperasyon sa usa ka hiniusang responsibilidad sa pagdasig sa partisipasyon sa komunidad aron mamahimong luwas, malinawon, ug lig-on ang munisipyo.(MEDALYN U. BORJA)
Source: PNP 905th Maneuver Company,RMFB 9