Mibisita sa buhatan ni Municipal Mayor sa Rizal nga si Hon. Marissa D. Manigsaca ang mga opisyal nga kandidata sa Ms. Rizal 2026 isip kabahin sa pagpangandam alang sa pageant karong Septiyembre.
Gihatagan og higayon ang mga kandidata, nga mga Lumad Rizalnon, nga personal nga makigkita sa mayor, magpaila sa ilang kaugalingon, ug ipaambit ang ilang kahinam sa umaabot nga kompetisyon.
Dili lamang katahom ang ipakita sa Ms. Rizal 2026, kay plataporma usab kini alang sa mga kandidata nga mapakita ang ilang talento, personalidad, pangandoy, ug garbo isip mga Lumad Rizalnon.
Pagahimoon ang Ms. Rizal 2026 karong September 13, 2026, diin usa sa mga kandidata ang makoronahan isip Ms. Rizal 2026. Gilauman usab ang pagpagawas sa opisyal nga mga litrato ug profile sa mga kandidata pinaagi sa official Facebook page sa LGU Rizal.(JENIFFER JR. DELICA)
Source: Municipality of Rizal