Mipahigayon og courtesy visit si PLTCOL Eleno A. Dondoyano, Force Commander sa 1st Zamboanga del Norte Provincial Mobile Force Company, kang Hon. Glen N. Yu, Municipal Mayor sa Sergio Osmeña, Zamboanga del Norte.
Nahimong higayon ang maong pagbisita aron mapalig-on ang koordinasyon, kooperasyon, ug partnership tali sa Philippine National Police ug Local Government Unit sa Sergio Osmeña alang sa kalinaw, seguridad, ug public safety sa lungsod.
Gihisgutan usab ang kamahinungdanon sa padayong komunikasyon ug pagtinabangay sa duha ka grupo aron mas epektibong matubag ang mga panginahanglanon sa komunidad.
Pinaagi sa lig-on nga partnership, gipadayon sa 1st ZNPMFC ug LGU Sergio Osmeña ang ilang paningkamot sa pagmintinar sa usa ka luwas, malinawon, ug lig-on nga komunidad.(JENIFFER JR. DELICA)
Source: PNP Zamboanga del Norte 1st Provincial Mobile Force Company