Gipahigayon sa Department of Agrarian Reform (DAR) sa Zamboanga del Norte ang usa ka information drive aron mapalambo ang pagsabot sa proseso sa pagdeklarar sa indibidwal nga e-titles ngadto sa Municipal Assessor’s Office sa lungsod sa Siayan.
Kabahin kini sa pagpadayon sa Support to Parcelization of Lands for Individual Titling (SPLIT) Project nga nagtumong sa paglig-on sa seguridad sa pagpanag-iya sa yuta ug pagpasayon sa pagdumala sa mga rekord sa kabtangan.
Gipangulohan ang kalihokan ubos sa pagdumala ni PARPO II Daisy Dell Suan Digamon, uban sa partisipasyon ni MARPO Mila D. Banquirigo ug mga representante gikan sa municipal treasury ug tax mapping offices.
Pinaagi sa maong lakang, gipalig-on sa DAR ang koordinasyon niini sa lokal nga panggamhanan aron maseguro ang tukmang pagrekord ug pag-update sa mga titulo sa yuta.(IKEN B. GULLEM)
Source: DAR Zamboanga del Norte Province