Gipahigayon sa La Libertad Municipal Fire Station ang “Habalo Ba Mo” fire safety awareness activity alang sa mga habal-habal driver sa Barangay Poblacion, La Libertad, Zamboanga del Norte aron mapalig-on ang ilang kahibalo bahin sa paglikay sa sunog.
Gipangunahan ang kalihokan sa mga personnel sa estasyon ubos sa pagdumala ni FINSP Dominic John N. Gregorio, Acting Municipal Fire Marshal, isip kabahin sa kampanya sa Bureau of Fire Protection sa komunidad.
Gitun-an sa mga drayber ang mga batakang pamaagi sa fire prevention, hustong pagresponde sa mga sunog nga may kalabotan sa salakyanan, ug ang kahinungdanon sa basic first aid panahon sa emerhensiya.
Gilauman sa BFP nga pinaagi sa maong programa, mahimong aktibong kaabag ang mga habal-habal driver sa pagpalambo sa fire safety awareness ug pagtabang sa ilang mga komunidad sa panahon sa emerhensiya.(JENIFFER JR. DELICA)
Source: BFP R9 La Libertad Fire Station