Nakadawat og pinansyal nga suporta ang usa ka estudyante sa Salug pinaagi sa Adopt-a-Student Program sa Bureau of Fire Protection Region 9 nga gisuportahan sa Salug Municipal Fire Station.
Ang benepisyaryo mao si Jessie Jay Maglangit Tomubag, usa ka incoming Grade 6 pupil gikan sa Sitio San Miguel, Barangay Caracol, Salug, Zamboanga del Norte.
Gipahigayon ang maong programa ubos sa pagdumala ni SFO4 Roseller P. Taleon, Acting Municipal Fire Marshal, isip kabahin sa paningkamot sa BFP nga makatabang sa mga kabataang nanginahanglan og suporta sa ilang edukasyon.
Sumala sa BFP, ang inisyatiba nagtumong sa pagtabang sa mga estudyante nga mapadayon ang ilang pag-eskwela ug makab-ot ang ilang mga pangandoy pinaagi sa suporta gikan sa komunidad ug mga ahensya sa gobyerno.(JENIFFER JR. DELICA)
Source: Salug Bfp