Gipanghatag sa ZN 2nd Provincial Mobile Force Company ug Liloy Municipal Police Station ang mga gamiton sa eskwela ngadto sa mga bata atol sa Culmination Day sa Flores de Mayo nga gipahigayon sa Guadalupe Chapel sa Barangay Fatima, Liloy niadtong Mayo 31, 2026.
Gipangunahan sa mga personnel sa ZN 2nd PMFC ubos sa pagdumala ni PLTCOL Edwin D. Verzon ug sa Liloy MPS ang maong kalihokan isip kabahin sa ilang pagpakig-uban sa komunidad sa selebrasyon.
Gawas sa pag-apil sa kasaulogan, naghatag usab ang mga kapulisan og school supplies aron masuportahan ug madasig ang mga kabataan nga aktibong miapil sa Flores de Mayo.
Gipakita sa maong kalihokan ang lig-on nga panagtinabangay tali sa kapulisan ug komunidad, samtang gipalambo ang panaghiusa, maayong relasyon ug pagtahod sa mga kultural ug relihiyosong tradisyon sa lugar.(JENIFFER JR. DELICA)
Source: PNP Zamboanga del Norte 2nd PMFC