Gisira sa mga awtoridad sugod alas-12 sa udto karong adlawa ang mga dalan palibot sa Saulog Area aron hatagan og dalan ang katapusang pagpangandam alang sa Saulog Festival.
Gihimo ang pagsira aron mapadali ang paghuman sa mga dekorasyon, pagbutang sa mga pasilidad ug uban pang preparasyon sa venue alang sa umaabot nga mga kalihokan sa kasaulogan.
Gipahibalo usab sa mga awtoridad nga adunay ipatuman nga traffic re-routing gikan Hunyo 1 hangtod Hunyo 5 aron magiyahan ang mga motorista ngadto sa mga alternatibong ruta.
Gihangyo ang publiko nga mosunod sa mga traffic signage ug direktiba sa mga traffic enforcers aron masiguro ang hapsay nga dagan sa trapiko ug kaluwasan sa tanang motambong sa festival.(JENIFFER JR. DELICA)
Source: Zamboanga del Norte Provincial News Network