Usa ka “Pagpasalamat ” nga programa ang gipahigayon alang sa pag-apod ug mga food packs ngadto sa mga Job Order (J.O) personnel ning lalawigan sa Zambonga del Norte.
Ang maong programa gihimo pinaagi sa kagamhanang probinsyal,diin 3 mil ka mga Job Order personnel ang malipayong midawat sa maong mga food packs, bugas ug salaping cash nga gipangunahan sa Mayor sa Dapitan nga si Dapitan City Mayor Seth Frederick “Bullet” Jalosjos.
Kahibaloan nga ang maong 3 mil ka mga J.O, naapektuhan sa desisyon sa Sangguniang Panlalawigan sa wala ma aprubahi nga Supplemental Budget nga nalakip ang ilang 3 ka bulan nga suholan.
Si Mayor Jalosjos sa iyang bahin migahin gikan sa iyang sweldo ug bonus karong bulana sa pagpamalit ug bugas,food packs ug mga regalo nga ipanghatag ngadto sa mga J.O sa dakbayan sa Dapitan ug sa probinsya lakip na ang katawhan nga misadya pag adto sa iyang pinuy-anan.(Medalyn U. Borja)
Source: City Government of Dapitan