Usa ka 87-anyos nga lola ang nabiktima sa usa ka hit-and-run sa A. R. Villanueva St., Sta. Cruz, Cebu City, duol sa City Suites, alas 11:09 sa buntag (Disyembre 25, 2024). Ang insidente gireport sa Cebu City Police Office (CCPO) alas 5:40 sa hapon.
Ang biktima mao si Lourdes Esdrelon Dabon, residente sa 275A Jones Ave., Sta. Cruz, Cebu City. Ang gidudahang nagmaneho mao si Angelito Danilo Mirafuentes Villagonzalo, 61 anyos, taga lungsod sa Ronda, Cebu, ug kasamtangang nagpuyo sa Tres de Abril, Labangon, Cebu City.
Sumala sa report, si Villagonzalo nagmaneho sa usa ka Toyota Vios (Sun Taxi, body #0858) nga adunay plate number nga AEC4721. Base sa mga nakasaksi ug kuha sa CCTV footage iyang naatrasan si Dabon ug dali nga nisibat gikan sa lugar tungod sa kahadlok nga ma atake sa mga tawo.
Ang insidente misikat sa social media ug nag-viral tungod sa video nga gipost sa Facebook. Si Villagonzalo gidakop pinaagi sa Citizen’s Arrest nga gihimo sa apo sa biktima nga si Warly Esdrilon Dabon, 26 anyos, ug silingan nga si Rey Rafaela Pescador, 51 anyos, nga parehas nagpuyo sa Sta. Cruz, Cebu City.
Sa pagkakaron, si Villagonzalo naa sa kustodiya sa Traffic Enforcement Unit ug nag-atubang og kaso nga Reckless Imprudence Resulting to Physical Injury. Ang pamilya sa biktima naglaum nga makab-ot ang hustisya alang sa ilang lola.
📸 CTTO
I via Renante Socia Lada
#rpndykccebu
#675hzamband
#mrpublicservice