Gitudluan sa Dipolog City Police Station ang mga estudyante sa San Jose Elementary School sa Barangay San Jose, Dipolog City bahin sa crime prevention, public safety ug security isip kabahin sa padayon nilang programa alang sa kabatan-onan.
Gipangunahan ni PMSg David C. Palubon Jr. ang awareness lecture diin gipaabot sa mga estudyante ang kahibalo sa pag-ila sa posibleng mga hulga, pagpabiling kalmado panahon sa emerhensiya, pagsunod sa mga safety protocol ug hustong paglihok samtang naghulat sa mga responder.
Tumong sa maong kalihokan ang pagpalambo sa kahibalo sa mga kabataan aron mapanalipdan ang ilang kaugalingon ug makatampo sa kaluwasan sa ilang eskwelahan ug komunidad.
Sumala sa Dipolog City Police Station, padayon silang makigtambayayong sa mga eskwelahan aron mapalig-on ang kultura sa kaluwasan, kahandam ug responsableng pagkamamamayan sa mga kabatan-onan.(JENIFFER JR. DELICA)
Source: PNP Dipolog City Police Station ZNPPO