Mitubag dayon ang Emergency Response Team sa Municipal Disaster Risk Reduction and Management Office o MDRRMO Salug sa usa ka medical emergency nga nalambigit sa usa ka 17-anyos nga dalaga sa Barangay Binoni, Salug, nga nakasinati og hyperventilation niadtong Hulyo 9.
Gihatagan dayon sa mga responder og angay nga pre-hospital emergency care ang pasyente, lakip ang pagmonitor sa iyang vital signs ug paghatag sa gikinahanglang medikal nga pag-atiman sa wala pa siya ibalhin sa ospital.
Human sa inisyal nga pag-atiman, luwas nga gidala ang pasyente ngadto sa Liloy District Hospital ug gitugyan sa mga medical personnel alang sa dugang nga ebalwasyon ug pagtambal.
Sumala sa MDRRMO Salug, magpadayon ang ilang paspas ug episyenteng paghatag og emergency medical services aron mapanalipdan ang kinabuhi ug kaayohan sa matag Salugnon.(JENIFFER JR. DELICA)
Source: SALUG DRRM Office