Napuno sa musika, sayaw ug kusog nga enerhiya ang venue atol sa unang adlaw sa Creative Auditions 2026 diin gipakita sa mga batan-on sa Dapitan City ang ilang talento sa pagkanta ug pagsayaw.
Naghatag og impresibong performances ang mga partisipante pinaagi sa ilang vocal renditions ug high-energy dance routines nga nakadani sa atensyon sa audience ug panel of judges.
Sumala sa organizers, ang maong audition dili lamang kompetisyon kondili usa usab ka plataporma aron matabangan ang mga kabatan-onan sa pagpalambo sa ilang talento ug pagsalig sa kaugalingon.
Present sa maong kalihokan sila Sir Miguel Braganza, City Information Division Head Kathlyn U. Hamoy, Henedina Zumel Rocamora, Adie Sagario ug assistant John Rocamora nga maoy nag-assess sa performances sa mga aspiring performers.
Human sa auditions, ang mapiling partisipante moagi sa espesyal nga trainings ug workshops ubos sa giya sa mga mentors aron mas mapalambo pa ang ilang abilidad sa performing arts.
Kini nga programa motapos pinaagi sa usa ka espesyal nga showcase karong Hulyo 17 isip kabahin sa paghandum sa pag-abot ni Dr. Jose Rizal sa Dapitan, diin ipakita sa mga batan-ong artista ang ilang pagtubo, creativity ug dedikasyon sa ilang talento.(IKEN B. GULLEM)
Source: City Information Division- Dapitan