Gibansay ang mga Child Development Teachers ug Child Development Workers sa Dapitan City atol sa duha ka adlaw nga Capability Building Program nga gipahigayon niadtong Mayo 28 sa Amphitheater sa Government Center.
Gitumong sa maong seminar ang pagpalambo sa ilang kahanas sa pagtudlo ug pagpalig-on sa kalidad sa pag-atiman ug edukasyon sa mga kabataan sa ilang unang mga tuig sa pagkat-on.
Gitambongan usab ang kalihokan sa mga opisyal sa lokal nga panggobyerno nga naghatag og giya ug suporta alang sa padayon nga pagpalambo sa Early Childhood Care and Development o ECCD program sa siyudad.
Sumala sa lokal nga panggobyerno, kabahin kini sa ilang paningkamot nga masiguro ang maayong pundasyon sa edukasyon ug paglambo sa mga kabataan pinaagi sa paghatag og dugang kahibalo ug pagbansay sa mga nag-atiman ug nagtudlo kanila.(JENIFFER JR. DELICA)
Source: City Information Division- Dapitan