Miapil sa Simultaneous Physical Fitness Test o PFT ang mga bombero sa Labason ubos sa pagpanguna ni FINSP Joel S. Sabijon, Acting Municipal Fire Marshal, sa lungsod sa Sindangan, Zamboanga del Norte niadtong Hunyo 18.
Gipahigayon ang maong kalihokan sa Office of the Provincial Fire Marshal ubos sa pagpanguna ni FSUPT Richard C. Timosa, RN, JD, DSC isip kabahin sa padayon nga programa sa Bureau of Fire Protection alang sa kahimsog ug kahimtang sa lawas sa mga personnel.
Gisusi sa PFT ang pisikal nga kahimtang ug kalig-on sa mga bombero aron masiguro nga andam sila sa pagtuman sa ilang mga responsibilidad ug pagresponde sa mga emerhensiya.
Sumala sa BFP, importante ang maong kalihokan aron mapadayon ang kahimsog, disiplina ug kahandam sa mga personnel sa paghatag og episyente nga serbisyo sa publiko.(JENIFFER JR. DELICA)
Source: BFP R9 Labason Fire Station