Gidala sa ospital ang usa ka 60-anyos nga lalaki human kini maaksidente sa Poblacion, Salug, Zamboanga del Norte niadtong alas 2:42 sa hapon sa Hunyo 20.
Mitabang dayon ang Emergency Response Unit sa MDRRMO-Salug sa biktima pinaagi sa paspas nga pagresponde ug paghatag og inisyal nga medikal nga pag-atiman sa lugar sa insidente.
Sa inisyal nga pagsusi, nakaplagan nga adunay hiwa sa nawong ug daghang pangos sa lawas ug mga bitiis ang lalaki. Gihinloan ug gitambalan dayon sa mga responder ang iyang mga samad samtang padayon nga gibantayan ang iyang kahimtang.
Human mapalig-on ang pasyente, luwas siyang gidala sa Liloy District Hospital alang sa dugang eksaminasyon ug pagtambal. Padayon nga nag-awhag ang MDRRMO-Salug sa mga motorista nga magmatngon sa pagbiyahe aron malikayan ang susamang insidente.(JENIFFER JR. DELICA)
Source: Salug DRRM Office