Nagdonar og dugo ang mga boluntaryong donor atol sa bloodletting activity nga gipahigayon sa Municipal Health Office sa Rizal aron madugangan ang suplay sa dugo alang sa mga pasyenteng nanginahanglan niini.
Gipangulohan ni Dr. Yazmir Alrad ang maong kalihokan uban sa suporta ni Mayor Marissa D. Manigsaca, diin nagtinabangay ang mga healthcare workers, partner agencies ug mga boluntaryo aron mahimong malampuson ang programa.
Tumong sa blood letting activity ang pagdasig sa dugang pang mga residente nga mahimong boluntaryong blood donor ug pagsiguro nga adunay igo nga suplay sa dugo alang sa mga emerhensiya ug uban pang medikal nga panginahanglan.
Gipasalamatan sa lokal nga panggamhanan ang tanang donors ug mga kaabag nga mitampo sa kalampusan sa kalihokan, samtang gipasiugda ang kamahinungdanon sa boluntaryong pagdonar og dugo isip paagi sa pagluwas og kinabuhi.(JENIFFER JR. DELICA)
Source: Municipality of Rizal