Sugod ning semanaha, upat ka probinsyal nga ospital sa Cebu adunay andam nga tambal batok sa hilo sa bitin o antivenom. Libre kini alang sa mga pasyente nga mapaakan og lala nga bitin.
Ang mga ospital nga makadawat sa tambal mao ang Cebu Provincial Hospital sa Carcar, Balamban, Danao, ug Bogo. Gidala na ang suplay sa Provincial Health Office ug ipanghatag kini sulod sa semanaha.
Matod ni Dr. Sheila Faciol, importante nga madala dayon sa ospital ang tawo nga mapaakan og lala nga bitin kay ang dali nga pagtambal makaluwas sa kinabuhi.
Ang Gobyerno sa Probinsya sa Cebu gusto nga ang tanang 16 ka probinsyal nga ospital adunay antivenom sa umaabot. Sa pagkakaron, upat pa ka ospital ang gitugotan sa Food and Drug Administration (FDA) sa paggamit niini.
Ang maong tambal makatabang batok sa lainlaing klase sa malala nga bitin ug mapuslan usab sa mga residente ug mga turista nga mobisita sa mga bukid ug uban pang lugar sa Cebu.
I via Renante Socia Lada