Gimandoan ni Cebu Governor Pamela Baricuatro ang PDRRMO ug PSWDO nga mangandam sa posibleng epekto sa Super Typhoon Bavi nga gilauman mosulod sa Philippine Area of Responsibility (PAR), karong adlawa.
Matod sa PDRRMO, wala gilauman nga direktang moigo ang bagyo sa Cebu. Apan bisan pa niini, nag-andam na ang probinsya aron masiguro ang kaluwasan sa mga tawo.
Gipahimutang na ang mga rescue boat, kagamitan ug mga responder sa mga lugar nga dali mabahaan ug mahimong ma-landslide.
Padayon usab ang koordinasyon sa PDRRMO sa PAGASA ug ubang ahensiya aron mabantayan ang lihok sa bagyo ug makahatag dayon og impormasyon sa mga residente.
Giandam na usab sa PSWDO ang mga food pack aron dali mahatag sa mga pamilya kung kinahanglan silang ipabakwit.
I via Renante Socia Lada