Nakadawat og cash assistance ang mga benepisyaryo sa lungsod sa Liloy pinaagi sa programa sa TRABAHO Party-list ubos sa pagpangulo ni Congresswoman Atty. Johanne Monich Bautista.
Nahimong posible ang paghatag sa maong ayuda pinaagi sa suporta ni Governor Darel Dexter T. Uy ug Mayor Roberto Lim Uy Jr., isip kabahin sa padayon nga pag-abot sa serbisyo ngadto sa mga residente sa lungsod.
Tumong sa maong kalihokan ang paghatag og dugang nga tabang sa mga benepisyaryo aron makatabang sa ilang adlaw-adlaw nga panginahanglan ug makapahupay sa ilang mga gastuhan.
Nagpakita usab kini sa padayon nga paningkamot sa mga lider sa gobyerno sa pagpalig-on sa paghatod sa social services ug paghatag og mga programa nga diretsong makabenepisyo sa komunidad.(JENIFFER JR. DELICA)
Source: Municipality of Liloy